रवि लामिछानेको बयान चल्दै गर्दा रास्वपा र सहकारी पीडितको प्रदर्शन
सारांश
- २७ कात्तिक, बुटवल ।
- पूर्वगृहमन्त्रीसमेत रहेका राष्ट्रिय स्वतन्त्र पार्टी (रास्वपा) का सभापति लाई भैरहवा ल्याएसँगै विरोध प्रदर्शन गरिएको छ ।
- सरकारी वकिलको कार्यालयमा बयान चल्दै गर्दा बाहिर रवि समर्थक र सहकारी पीडित पक्षले छुट्टाछुट्टै नाराबाजी गरिरहेका छन् ।
२७ कात्तिक, बुटवल । पूर्वगृहमन्त्रीसमेत रहेका राष्ट्रिय स्वतन्त्र पार्टी (रास्वपा) का सभापति लाई भैरहवा ल्याएसँगै विरोध प्रदर्शन गरिएको छ । सरकारी वकिलको कार्यालयमा बयान चल्दै गर्दा बाहिर रवि समर्थक र सहकारी पीडित पक्षले छुट्टाछुट्टै नाराबाजी गरिरहेका छन् ।
सहकारी ठगी, संगठित अपराध तथा सम्पत्ति शुद्धिकरणको मुद्दामा पक्राउ परेका सभापतिलाई दिउँसो १२ बजे पोखराबाट भैरहवा ल्याइएको हो । लामिछानेको प्रतीक्षामा रहेको उनका समर्थककहरुले गौतमबुद्ध विमानस्थल अगाडि बिहानैबाट जम्मा भई प्रदर्शन गरेका हुन् । मौसम खराबीका कारण दिउँसो मात्रै आएका लामिछानेलाई विमानस्थलबाट सोझै सरकारी वकिलको कार्यालय बयानका लागि लगिएको छ ।
लामिछानेको बयानमा भइरहदा राष्ट्रिय स्वतन्त्र पाटीका कार्यकर्ताहरुले भैरहवाको लुम्बिनी गेटबाट विरोध र्याली निकाली नगर परिक्रमा गरिरहेका छन् । लुम्बिनी रोड गेट अगाडिबाट सुरु भएको विरोध कार्यक्रम बुद्ध चोक, बरमेली टोल हुँदै मिलनचोकतर्फ पुगेको छ । प्रदर्शनमा उल्लेख्य संख्यामा नेता कार्यकर्ता सहभागी भएका जिल्ला अध्यक्ष डा बुद्धिप्रसाद शर्माले बताए ।
प्रदर्शनपछि जिल्ला प्रहरी कार्यालय नजिक कोणसभा गर्ने उनले बताए । सभामा केन्द्रीय समितिका नेताहरुले सम्बोधन गर्ने छन् । यस्तै सुप्रिम सहकारी पीडितहरुले समेत जिल्ला सरकारी वकिल कार्यालय नजिक प्रदर्शन गरेका छन् ।
प्रतिक्रिया