राजनीतिबाट विश्राम, शिक्षाको यात्रामा प्रकाश पासवान
सारांश
- ३१ चैत, सर्लाही ।
- अखिल (क्रान्तिकारी) सर्लाहीका उपाध्यक्ष तथा निवर्तमान केन्द्रीय सदस्य प्रकाश पासवानले पदबाट राजीनामा दिएका छन्।
- लामो समयदेखि विद्यार्थी राजनीति हुँदै संगठनमा सक्रिय रहँदै आएका पासवान अब उच्च शिक्षा अध्ययनका लागि जापान प्रस्थान गर्न लागेका हुन्।
३१ चैत, सर्लाही ।
अखिल (क्रान्तिकारी) सर्लाहीका उपाध्यक्ष तथा निवर्तमान केन्द्रीय सदस्य प्रकाश पासवानले पदबाट राजीनामा दिएका छन्। लामो समयदेखि विद्यार्थी राजनीति हुँदै संगठनमा सक्रिय रहँदै आएका पासवान अब उच्च शिक्षा अध्ययनका लागि जापान प्रस्थान गर्न लागेका हुन्। राजीनामा विज्ञप्तिमार्फत उनले पारिवारिक परिस्थिति र बैदेशिक अध्ययनका कारण २०८२ साल वैशाख २ गते जापान जाने जानकारी दिएका छन्।
पासवानले आफ्नो बाल्यकालदेखि नै राजनीतिक वातावरणमा हुर्किएको उल्लेख गर्दै उनका बुवा शम्भु पासवान जनयुद्धपूर्वदेखि नै राजनीतिक रूपमा सक्रिय रहनु भएको र दोस्रो संविधानसभा सदस्य समेत भइसकेको बताएका छन्। २०७८ सालमा अखिल (क्रान्तिकारी) सर्लाही क्याम्पस इकाइ कमिटीको सचिव हुँदै २०८१ मा केन्द्रीय सदस्य र त्यसै वर्ष जिल्ला उपाध्यक्षको जिम्मेवारी सम्हालेका पासवानले विद्यार्थी राजनीति यात्रामा साथ, प्रेरणा र स्नेह दिने सम्पूर्ण अग्रजहरूप्रति आभार व्यक्त गरेका छन्।
उनले दुःखको समयमा पार्टीका केही तहका नेताबाट सहयोग नपाएको गुनासो गरेका छन् भने आफूलाई साथ दिनेहरूलाई विशेष धन्यवाद दिएका छन्। पासवानले आफ्नो राजीनामा पत्रमा लेखेका छन्, “हाम्रो गौरवशाली संगठन अखिल (क्रान्तिकारी), हाम्रो पार्टी नेकपा (माओवादी केन्द्र) र समाज परिवर्तनको निम्ति जुनसुकै कालखण्डमा, जुनसुकै अवस्थामा रहे पनि योगदान गर्दै अगाडि बढ्ने दृढ प्रतिबद्धता व्यक्त गर्दछु।”
प्रतिक्रिया