नारायणगढ–मुग्लिनमा खसेको पहिराे हटाउन सुरु

४ असोज, काठमाडौं । 

नारायणगढ–मुग्लिन सडक खण्डको तुइनख‍ोला पुलमा खसेको पहिरो हटाउन सुरु गरिएको छ । ढुंगा खस्ने क्रम नरोकिएतापनि पहिरो हटाउने कार्य सुरु गरिएको हो । हिजो साँझ करिब ६स्३० बजे देखि मुग्लिन नारायणगढ सडक खण्डको तुईन खोला पुल नजिकै निरन्तर झरेको पहिरोका कारण रातभर सडक अवरुद्ध भएको थियो । आज बिहान पुन: पहिरो खसेपछि  सडक सुचारु गर्न झनै कठिनाइ भएकाे  छ ।

ढुंगा खस्ने क्रम नराेकिएकाले पहिरो हटाउनको लागि समस्या भएको सडक डिभिजन भरतपुरले जानकारी दिएको छ। हाल ३ वटा लोडर र एउटास्काभेक्टर परिचालन गरि दुवै तर्फबाट पहिरो हटाउने कार्य सुचारू भइरहेको छ । साथै मुग्लिन तर्फबाट अर्को एउटा स्काभेक्टरपनि साइटतर्फ जाँदै गरेको सडक डिभिजनले जानकारी दिएको छ । सडक डिभिजनका अनुािर थप पहिरो खस्ने क्रम रोकिएको खण्डमा कम्तिमा ४ घण्टामा पहिरो हटाई सवारी आवागमन सुचारू गर्ने सम्भावना रहेको छ ।