हिजो तोलामा २३ सय बढेको सुनको मूल्य आज पनि बढ्यो, चाँदी पनि महँगियो
सारांश
- २ फागनु, हिजो (बिहीबार) प्रतितोला दुई हजार तीनसय रुपैयाँ बढेको सुनको मूल्य आज पनि वृद्धि भएको छ।
- चाँदीको मूल्य पनि आज बढेको नेपाल सुनचाँदी व्यवसायी महासंघले जनाएको छ।
- महासंघको अनुसार आज सुनको मूल्य तोलाको चारसय रुपैयाँ बढेर एक लाख ७० हजार दुईसय रुपैयाँ पुगेको छ।
२ फागनु, हिजो (बिहीबार) प्रतितोला दुई हजार तीनसय रुपैयाँ बढेको सुनको मूल्य आज पनि वृद्धि भएको छ। चाँदीको मूल्य पनि आज बढेको नेपाल सुनचाँदी व्यवसायी महासंघले जनाएको छ। महासंघको अनुसार आज सुनको मूल्य तोलाको चारसय रुपैयाँ बढेर एक लाख ७० हजार दुईसय रुपैयाँ पुगेको छ।
हिजो सुनको मूल्य प्रतितोला एकलाख ६९ हजार आठसय रुपैयाँ थियो। गएको बुधबार सुनको मूल्य प्रतितोला दुई हजार सातसय रुपैयाँ घटेको थियो। गएको मंगलबार भने सुनको मूल्य प्रतितोला एक लाख ७० हजार दुईसय रुपैयाँ पुगेर फेरि सस्तिएकाे थियाे। आज चाँदीको मूल्य पनि प्रतितोला ५ रुपैयाँ बढेको छ। आज चाँदी ताेलाकाे एक हजार नौसय ७० रुपैयाँमा किनबेच भइरहेको छ। हिजो चाँदीको मूल्य प्रतितोला एक हजार नौसय ६५ रुपैयाँ थियो।
गएको मंसिर तेस्रो साता सुनको मूल्य दुई दिनमै तोलामा साढे १८ हजार रुपैयाँ घटेको थियो। गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो। त्यो दिन सुन प्रतितोला १ लाख ७१ हजार रुपैयाँ पुगेको थियो। सरकारले भन्सारदर घटाएपछि मंसिर तेस्रो साता सुनचाँदीकै मूल्यमा उच्च गिरावट आएको थियो।
प्रतिक्रिया