इलाममा कुटपिटबाट एक युवकको मृत्यु
सारांश
- २६ माघ, इलाम।
- साथीहरूको कुटपिटबाट घाइते भएका एक युवकको मृत्यु भएको छ।
- इलाम नगरपालिका–९, गोलबस्तीका ३२ वर्षीय मिलन सुनुवारको मृत्यु भएको प्रहरीले जनाएको छ।
२६ माघ, इलाम। साथीहरूको कुटपिटबाट घाइते भएका एक युवकको मृत्यु भएको छ। इलाम नगरपालिका–९, गोलबस्तीका ३२ वर्षीय मिलन सुनुवारको मृत्यु भएको प्रहरीले जनाएको छ। गत माघ २४ गते साँझ ७ बजेतिर इलाम नगरपालिका–९ मा उनीमाथि कुटपिट भएको थियो।
उनको इलाम अस्पतालमा प्रारम्भिक उपचार गरिएको थियो। जिल्ला प्रहरी कार्यालय इलामका डीएसपी मानबहादुर राईका अनुसार इलाम अस्पतालमा उपचार गरी अवस्था केही सामान्य भएपछि डिस्चार्ज गरिएको थियो। शुक्रवार बिहान उनले बान्ता गरेपछि स्वास्थ्य अवस्था फेरि असहज भएको थियो। त्यसपछि उपचारका लागि झापा लैजाने क्रममा कन्याम पुग्दा सुनुवारको मृत्यु भएको डीएसपी राईले जानकारी दिए।
कामबाट फर्कँदै गर्दा आफ्नै साथीले उनलाई कुटपिट गरेका थिए। कुटपिट गर्नेहरु फरार भएकाले खोजी भइरहेको प्रहरीले जनाएको छ। डीएसपी राईका अनुसार कुटपिट गर्नेहरुको खोजीसँगै घटनाबारे अनुसन्धान अघि बढाइएको छ।
प्रतिक्रिया