मैत्रीपूर्ण टी-२० खेलमा नेपाल हङकङसँग पराजित
सारांश
- २६ फागुन, काठमाडौं ।
- हङकङविरुद्धको फ्रेण्डसीप कप क्रिकेटमा नेपाल पराजित भएको छ।
- हङकङस्थित मिसन रोड ग्राउन्डमा शनिबार भएको टी–२० खेलमा नेपाल ७३ रनले पराजित भएको हो।
२६ फागुन, काठमाडौं । हङकङविरुद्धको फ्रेण्डसीप कप क्रिकेटमा नेपाल पराजित भएको छ।
हङकङस्थित मिसन रोड ग्राउन्डमा शनिबार भएको टी–२० खेलमा नेपाल ७३ रनले पराजित भएको हो। २१३ रनको लक्ष्यमा जवाफी ब्याटिङ गरेको नेपाल १६.४ ओभरमा १३९ रन बनाएर अलआउट भयो। नेपालका लागि विनोद भण्डारीले सर्वाधिक ४२ रन बनाए। आरिफ शेखले ३८ र कप्तान रोहित कुमार पौडेले ३०, रन बनाए। नेपालका अन्य ६ खेलाडीले दोहोरो अंक बनाउन सकेनन्।
हङकङका लागि ऐजाज खानले चार विकेट तथा एहेसान खानले तीन विकेट लिए । यसअघि टस हारेर ब्याटिङको निम्तो पाएको घरेलु टोलीले पूरै ओभर खेलेर ६ विकेटको क्षतिमा २१२ रन बनाएको थियो । हङकङका लागि बाबर हायातले शतकीय पारी खेले । बाबरले ४९ बलमा ११० रन बनाए। उनले ४६ बलमा ३ चौका र १२ छक्का प्रहार गर्दै अर्धशतक पूरा गरे। यो उनको टी–२० मा दोस्रो शतक हो । उनलाई अन्तिम ओभरमा आकाशले आउट गरे ।
अन्शुमन रथले ३९ र मार्टिन कोत्एजीले ३१ रन बनाए। नेपालका लागि डेब्यू गरेका आकाश चन्दले ३ विकेट लिए। आरिफ शेख, प्रतिश जीसी र राशिद खानले १–१ विकेट लिए। अब मार्च १० देखि १३ सम्म हुने नेपाल, हङकङ र पीएनजीबीच टी–२० त्रिदेशीय सिरिज हुनेछ। आइतबार पहिलो खेलमा नेपाल र हङकङ आमने सामने हुनेछन्।
मार्च १२ मा पीएनजीले एकै दिन हङकङ र नेपालसँग प्रतिस्पर्धा गर्नेछ। सिरिजको फाइनल भने मार्च १३ मा हुनेछ। लिग चरणमा शीर्ष २ मा पर्ने टोलीले फाइनल खेल्दा तेस्रो हुने टोलीले भने हङकङ ए सँग टी–२० खेल्ने छ।
प्रतिक्रिया