काठमाडौंबाट श*व लिएर पुगेको हेलिकोप्टर दु*र्घटना

चैत ०४, खोटाङ।

खोटाङको केपिलासगढी गाउँपालिका–२ खार्ताम्छाको बालाबेसीमा शव बोकेर पुगेको हेलिकोप्टर दुर्घटनामा परेको छ। जिल्ला प्रशासन कार्यालयका अनुसार चैत ४ गते काठमाडौंबाट शव बोकेर गाउँ पुगेको हेलिकोप्टर बारीको डिलमा अवतरण गर्ने क्रममा दुर्घटनामा परेको हो।

प्रमुख जिल्ला अधिकारी रेखा कँडेलले दुर्घटनामा मानवीय क्षति नभएको जानकारी दिइन्। हेलिकोप्टरमा रहेका चालक दल तथा अन्य व्यक्तिहरू सकुशल रहेको बताइएको छ। केपिलासगढी गाउँपालिका अध्यक्ष समिर राईका अनुसार सुरुमा हेलिकोप्टर बारीको डिलमा अवतरण गर्ने क्रममा थियो। त्यसपछि डिलबाट उठाएर बारीको बीच भागमा लैजाने प्रयास गर्दा नियन्त्रण गुमेर दुर्घटना भएको उनले बताए। काठमाडौंबाट गाउँमा अन्त्येष्टिका लागि शव ल्याउन प्रयोग गरिएको हेलिकोप्टर अवतरणकै क्रममा दुर्घटनामा परेको स्थानीयले बताएका छन्।