२८ क्षेत्रको नतिजा आउन बाँकी, १८ मा रास्वपाको अग्रता

उक्त क्षेत्र विगतमा एमालेका अध्यक्ष केपी शर्मा ओलीले चुनाव जित्दै आएको क्षेत्र हो । २०४८ सालदेखि झापामा सदाबहार उम्मेदवारको रूपमा रहेका ओलीलाई रोकेर बालेन झापा-५ बाटै निर्वाचित भएका छन् । बालेन ६८ हजार ३४८ मतसहित निर्वाचित भएका हुन् । उनले पूर्वप्रधानमन्त्री ओलीलाई पराजित गरेका हुन् । एमाले अध्यक्ष ओलीले भने १८ हजार ७३४ मत प्राप्त गरे । उनीहरूबीच ४९ हजार ६१४ मतको अन्तर रह्यो । रास्वपाकी सचिवालय सोविता गौतमले अब बालेनको नेतृत्वमा नयाँ सरकार बन्ने बताएकी छन् । गौतम आफैँले पनि चितवन–३ बाट चुनाव जितिन् । निर्वाचित भएपछि पत्रकारसँग कुराकानी गर्दै गौतमले चुनावभन्दा अगाडि नै पार्टीले बालेनलाई प्रधानमन्त्रीका रूपमा प्रस्तुत गरेकाले उनी नै प्रधानमन्त्री बन्ने बताएकी हुन् । रास्वपाका पक्षमा नेपाली जनताले गरेको विश्वासलाई नतिजा दिनेगरी काममा रूपान्तरण गर्ने उनको प्रतिबद्धता छ । ‘जनताले अन्तिम आशाका रूपमा रास्वपालाई विश्वास गरेर मत दिनुभएको छ,’ नेतृ गौतमले भनिन्, ‘यसलाई गम्भीरतापूर्वक लिएर अगाडि बढ्छौँ ।’