कञ्चनपुरमा बस दुर्घटना हुँदा एक जनाको मृत्यु
सारांश
- १५ कात्तिक, धनगढी ।
- कञ्चनपुरमा बस दुर्घटना हुँदा एक जनाको मृत्यु भएको छ ।
- शनिबार बिहान पूर्वपश्चिम राजमार्ग अन्तरगत कृष्णपुर नगरपालिका-२ को वाणीमा ना ७ ख ६१८२ नम्बरको बस दुर्घटना भएको प्रहरीले जनाएको छ ।
१५ कात्तिक, धनगढी ।
कञ्चनपुरमा बस दुर्घटना हुँदा एक जनाको मृत्यु भएको छ । शनिबार बिहान पूर्वपश्चिम राजमार्ग अन्तरगत कृष्णपुर नगरपालिका-२ को वाणीमा ना ७ ख ६१८२ नम्बरको बस दुर्घटना भएको प्रहरीले जनाएको छ ।
दुर्घटनामा कृष्णपुरको बण्डका अन्दाजी ४२ वर्षीय बलबहादुर बोहराको मृत्यु भएको सुदूरपश्चिम प्रदेश ट्राफिक प्रहरी कार्यालयका प्रवक्ता प्रहरी नायब उपरीक्षक(डीएसपी) टेकबहादुर जोराले बताए । घाइते अवस्थामा उद्धार गरिएका बोहराको उपचारका क्रममा वाणी अस्पतालमा मृत्यु भएको उनले बताए ।
बसमा पाँच जना सवार थिए । दुर्घटनापछि फरार भएका चालक वेदकोट नगरपालिका-३ दैजीका ४६ वर्षीय रमेश बोहरालाई प्रहरीले नियन्त्रणमा लिएको छ ।
कुल कमेन्ट:
0
nepaltathya_news
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया