लखनदेही खोलामा नुहाउन गएका सर्लाहीका १८ वर्षीय युवकको डुबेर मृ*त्यु
सारांश
- २१ असोज, सर्लाही।
- सर्लाही जिल्लाको मलंगवा नगरपालिका–५, भाडसर स्थित लखनदेही खोलामा नुहाउने क्रममा एक युवकको डुबेर मृत्यु भएको छ।
- मृत्यु हुनेमा भाडसरकै बिनोद ठाकुरका १८ वर्षीय छोरा ओम ठाकुर रहेको प्रहरीले जनाएको छ।
२१ असोज, सर्लाही।
सर्लाही जिल्लाको मलंगवा नगरपालिका–५, भाडसर स्थित लखनदेही खोलामा नुहाउने क्रममा एक युवकको डुबेर मृत्यु भएको छ। मृत्यु हुनेमा भाडसरकै बिनोद ठाकुरका १८ वर्षीय छोरा ओम ठाकुर रहेको प्रहरीले जनाएको छ। घटना मंगलबार बिहान करिब ११ बजेतिर भएको हो। स्थानीय चार जना युवकहरू खोलामा नुहाउन गएका बेला पानीको बहावले बगाउँदा तीन जना सुरक्षित रूपमा बाहिर निस्कन सफल भए पनि ओम ठाकुर बेपत्ता भएका थिए।
बेपत्ता भएका ठाकुरको खोजीका लागि प्रहरी टोली खटिएको थियो। खोजीका क्रममा दिउँसो करिब १ बजे ओम ठाकुरलाई खोलामै पानीमा तैरिएको अवस्थामा फेला पारिएको थियो। तत्काल उद्धार गरी उनलाई प्रादेशिक अस्पताल मलंगवा लगिएको थियो। तर, अस्पतालमा पुर्याएको केही समयपछि चिकित्सकले उनलाई मृत घोषणा गरेका थिए।
कुल कमेन्ट:
0
nepaltathya_news
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया