सल्यान मिनी ट्रक दुर्घटना : मृतकको संख्या चार पुग्यो
सारांश
- १३ कार्तिक, सुर्खेत ।
- सोमबार सल्यानमा भएको मिनी ट्रक दुर्घटनामा परी मृत्यु हुनेको संख्या चार पुगेको छ ।
- चालक २४ वर्षीय मानबहादुर भण्डारीको मृत्यु भएसँगै मृतकको संख्या चार पुगेको हो ।
१३ कार्तिक, सुर्खेत । सोमबार सल्यानमा भएको मिनी ट्रक दुर्घटनामा परी मृत्यु हुनेको संख्या चार पुगेको छ । चालक २४ वर्षीय मानबहादुर भण्डारीको मृत्यु भएसँगै मृतकको संख्या चार पुगेको हो ।
१४ वर्षीय गोवर्द्धन खड्का, १२ वर्षीय डिल्ली भण्डारी र १३ वर्षीय सृजना बस्नेतको बाटोमै मृत्यु भएको थियो ।चालक भण्डारीको दाङको तुल्सीपुर राप्ति अस्पतालमा राती मृत्यु भएको जिल्ला प्रहरी कार्यालय सल्यानका प्रवक्ता रेशम बहादुर खत्रीले बताए ।
सोमबार अपराह्न कपुरकोट गाउँपालिका–६, सिनबाङको दुबेदेबाट धान र पराल बोकेर छाप्नेटातर्फ जाँदै गरेको रा१ख २४०२ नम्बरको मिनी ट्र«क सडकबाट १५० मिटर तल खसेको थियो । दुर्घटनामा घाइते भएका ७ जनाको विभिन्न अस्पतालमा उपचार भइरहेको छ ।
कुल कमेन्ट:
0
nepaltathya_news
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया