गर्मी बढेपछि सल्यानका दुई पालिकाले गरे विद्यालय बन्द
सारांश
- ३२ जेठ, सुर्खेत ।
- गर्मी अत्याधिक बढेपछि सल्यानमा दुई पालिकाले विद्यालय बन्द गरेका छन् ।
- त्रिवेणी गाउँपालिका र शारदा नगरपालिकाले सूचना प्रकाशन गरेर शुक्रबारदेखि विद्यालय बन्द गरेका हुन् ।
३२ जेठ, सुर्खेत । गर्मी अत्याधिक बढेपछि सल्यानमा दुई पालिकाले विद्यालय बन्द गरेका छन् ।
त्रिवेणी गाउँपालिका र शारदा नगरपालिकाले सूचना प्रकाशन गरेर शुक्रबारदेखि विद्यालय बन्द गरेका हुन् । त्रिवेणी गाउँपालिकाले बर्खे बिदाबाट कटौती हुने गरी एक साताका लागि र शारदा नगरपालिकाले तीन दिनका लागि पालिकाभरका विद्यालय बन्द गरेका छन् । गर्मीले विद्यार्थी बेहोस हुने, झाडापखाला, टाउको दुख्नेलगायतका समस्या देखिएपछि विद्यालय बन्द गरिएको त्रिवेणी गाउँपालिकाका प्रमुख प्रशासकीय अधिकृत खुमबहादुर केसीले बताए । विद्यार्थी बिरामी भएको र पठनपाठन नै प्रभावित भएपछि विद्यालय बन्द गरिएको शारदा नगरपालिकाकी शिक्षा शाखा प्रमुख संगीता भण्डारीले बताइन् ।
कुल कमेन्ट:
0
nepaltathya_news
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया