ई.बिपिन कापरको अध्यक्षतामा कम्बल वितरण

१३ पुस, सर्लाही। अमेरिकामा गठित “SAPNA”(SOCIAL ASSOCIATION OF PROFESSIONAL NEPALI IN AMERICA) एक संस्था रहेका छन् जसको सहयोगमा सर्लाहीको ब्रह्मपुरी  गाउँपालिका अन्तरगतका वडा न.३ (भेलही ), वडा न.६ (नोकैल्वा-पिपरा) वडा न.७(मोहनगंज)का तिनसय बिपन्न असहाय एवं वृद्ध वर्गका व्यक्तिहरुलाई कम्बल वितरण गरिएको छ।

यस कार्यक्रमको अध्यक्षता इन्जिनियर बिपिन कापरले गरेका छन्। जुन त्यहीँ गाउँपालिका वडा न.५(पररिया) का बासी हुन्। निज कार्यक्रम “SAPNA”को आर्थिक सहयोगमा भईरहेको छ। जसमा मेरो भुमिका एउटा सहयोगिको रुपमा मात्रै रहेको ई.बिपिन कापरले जानकारी दिएका छन्। यस संस्थाका संस्थापक सदस्यहरुमा डा.सुबोध मल्लिक,डा.अर्चना कायस्थ,निलु झा,डा.राकेश मण्डल,रेखा कर्ण,उशा झा तथा मुकेश झा रहेका छन्। यस् कार्यक्रममा उपस्थित भएका सेवाग्राहीहरु मध्ये बुधन साहले “आफु कम्बल पाँउदा अति नै खुशी लागेको र यो पालो जाडो याममा अघिल्लो वर्ष झै कठयाङ्ग्रिने समस्या जुन थियो यो कम्बल पाएर अब पहिलाको जस्तो अवस्था रहेन्न भन्दै ई.बिपिन कापरलाई धन्यबाद दिएका छन्।