जय ट्रफी फाइनल : १०३ रनको लक्ष्य पछ्याएको आर्मी लड्खडाउँदै
सारांश
- काठमाडौं ।
- जय ट्रफी एलिट कपको फाइनलमा नेपाल पुलिस क्लब र त्रिभुवन आर्मी क्लब जितका लागि संघर्षरत छन् ।
- पुलिसले दिएको १०३ रनको मामुली लक्ष्य आर्मीलाई गह्रुँगो बनिरहेको छ ।
काठमाडौं । जय ट्रफी एलिट कपको फाइनलमा नेपाल पुलिस क्लब र त्रिभुवन आर्मी क्लब जितका लागि संघर्षरत छन् । पुलिसले दिएको १०३ रनको मामुली लक्ष्य आर्मीलाई गह्रुँगो बनिरहेको छ । पहिलो इनिङमा ३७ रनले पछि परेको पुलिसले दोस्रो इनिङमा १३९ रन जोडेको थियो ।पुलिसका लागि कुशल भुर्तेलले सर्वाधिक ४५ रन बनाएका थिए । १०३ रनको लक्ष्य पछ्याउने क्रममा आर्मीले लन्चसम्म २७ रन बनाउँदा तीन महत्त्वपूर्ण विकेट गुमाएको छ ।
आर्मीका त्रितराज दास २ रन, सन्तोष कार्की शून्य र भीम सार्की ५ रन बनाएर आउट भएका छन् । अहिले इमरान सेख र बसिर अहमद क्रिजमा छन् । पुलिसका ललित राजवंशीले २ र सागर ढकालले एक विकेट लिए । ७ विकेट हातमा रहेको अवस्थामा आर्मी ७६ रनले पछाडि छ । ललित, सागर र कुशल भुर्तेलको स्पिन झेल्दै लक्ष्यसम्म पुग्न आर्मीका ब्याटरहरुलाई सहज हुने छैन । कप्तान विनोद भण्डारीसँगै सोमपाल कामी, विवेक यादवजस्ता ब्याटरहरु आर्मीसँग बाँकी छन् । अहिलेसम्म १० ओभरको खेल मात्रै सकिएको छ ।
प्रतिक्रिया