बिहारको सबैभन्दा कान्छी विधायक बन्दै गायिका मैथिली ठाकुर
सारांश
- २८ कात्तिक, काठमाडौं ।
- बिहारको विधान सभा चुनावमा यसपालि पनि नरेन्द्र मोदी–नितिश कुमारकै लहर चलेको पुष्टि भइसकेको छ।
- हालसम्मको गणनामा २४३ सिटमध्ये करिब २ सय सिटमा यो गठबन्धन अगाडि देखिएको छ।
२८ कात्तिक, काठमाडौं ।
बिहारको विधान सभा चुनावमा यसपालि पनि नरेन्द्र मोदी–नितिश कुमारकै लहर चलेको पुष्टि भइसकेको छ। हालसम्मको गणनामा २४३ सिटमध्ये करिब २ सय सिटमा यो गठबन्धन अगाडि देखिएको छ। यसक्रममा गायिका मैथिली ठाकुर बिहारको सबैभन्दा कान्छी विधायक बन्ने देखिएको छ। २५ वर्षीया ठाकुरले अलीनगर सिटमा आरजेडीका विनोद मिश्रालाई पछि पारेकी छन्। हालसम्मको गणनामा ठाकुरले ४९ हजार मत कटाइसकेकी छन्। मिश्राले उनीभन्दा ७ हजार कम ४२ हजार मत ल्याएका छन्।
बिहानैदेखि ठाकुरले आफ्नो अग्रता कायम राखेकी छन्। उनले जितमा दाबी समेत गरिसकेकी छन्। अब अलिनगर ‘सीतानगर’ बन्ने उनको भनाइ छ। ठाकुर विभिन्न टीभी सोहरुमा सहभागी भएपछि चर्चामा आएकी थिइन्। कान्छी विधायकका अलावा ठाकुरले यो सिटमा पहिलो पटक भाजपालाई जिताउने भएकी छन्। यसअघि बिहारको सबैभन्दा कान्छा विधायक २००५ मा निर्वाचित स्वतन्त्र उम्मेदवार तौसिफ आलम थिए। त्यस्तै लालु यादवका छोरा तेजस्वीले २०१५ मा २६ वर्षको उमेरमै चुनाव जितेका थिए।
प्रतिक्रिया