हिमाचल बस दुर्घटना : मृ*त्यु हुनेको सङ्ख्या १६ पुग्यो
सारांश
- नयाँ दिल्ली ।
- हिमाचल प्रदेशको बिलासपुर जिल्लामा मङ्गलवार भएको बस दुर्घटनामा मृत्यु हुनेको सङ्ख्या १६ पुगेको छ ।
- हिमाचल प्रदेशका मुख्यमन्त्री सुखविन्दर सिंह सुखुले यो जानकारी दिएको भन्दै बीबीसी हिन्दीले समाचार छापेको छ ।
नयाँ दिल्ली ।
हिमाचल प्रदेशको बिलासपुर जिल्लामा मङ्गलवार भएको बस दुर्घटनामा मृत्यु हुनेको सङ्ख्या १६ पुगेको छ । हिमाचल प्रदेशका मुख्यमन्त्री सुखविन्दर सिंह सुखुले यो जानकारी दिएको भन्दै बीबीसी हिन्दीले समाचार छापेको छ । बुधबार बिहान एउटा शव भेटिएसँगै मृत्यु हुनेको सङ्ख्या १६ पुगेको हो । सम्पूर्ण बस पहिरोमा पुरिएको र जानकारी पाउने बित्तिकै सरकारले तत्कालै कारबाही गरेको उनले बताए ।
‘यो एकदमै दुःखद घटना हो । हाम्रो सरकारले मृतकका परिवारलाई प्रतिव्यक्ति ४ लाख रुपैयाँ आर्थिक सहयोग घोषणा गरेको छ’ मुख्यमन्त्री सुखुले भने । पहाडी क्षेत्रहरूमा अझै पनि वर्षा र हिमपात भइरहेकोले मानिसहरूले सावधानी अपनाउनुपर्ने पनि उनले बताएका थिए । दुर्घटना मङ्गलवार साँझ करिब साढे ६ बजे बालूघाटनजिक भएको थियो । मरोटनबाट घुमारवी जाँदै गर्दा पहाडबाट अचानक पहिरो खसेर बसलाई पुरेको थियो । भारतीय सञ्चारमाध्यमका अनुसार अचानक खसेको पहिरोका कारण बस पूर्ण रूपमा दबिएर खोलाको किनारमा खसेको छ । बसभित्रका सबै यात्रु पहिरोमै पुरिए ।
प्रतिक्रिया