दार्चुलाको नौगाड नदीमा अटोरिक्सा खस्दा ३ जना बेपत्ता
सारांश
- १६ भदौ,दार्चुला ।
- नौगाडबाट गोकुलेश्वर जाँदै गरेको अटोरिक्सा नौगाड नदीमा खस्दा तीन जना बेपत्ता भएका छन् ।
- नौगाड गाउँपालिका–५ सौकेबगर नजिकबाट म १ ख ११४८ नम्बरको अटो नौगाड नदीमा खसेर तीन जना महिला बेपत्ता भएको प्रहरीले जनाएको छ ।
१६ भदौ,दार्चुला ।
नौगाडबाट गोकुलेश्वर जाँदै गरेको अटोरिक्सा नौगाड नदीमा खस्दा तीन जना बेपत्ता भएका छन् । नौगाड गाउँपालिका–५ सौकेबगर नजिकबाट म १ ख ११४८ नम्बरको अटो नौगाड नदीमा खसेर तीन जना महिला बेपत्ता भएको प्रहरीले जनाएको छ । जिल्ला प्रहरी कार्यालयका अनुसार तीन जना यात्रु अटोसहित नदीमा खसेर बेपत्ता भएका छन् । उद्धारको प्रयास भइरहेको दार्चुलाका प्रहरी प्रमुख डीएसपी प्रकाश दाहालले बताए ।
अटोचालक मनिराम भुल र उनका छोरा घाइते अवस्थामा रहेका छन् । अटोचालक सख्त घाइते भएकाले महिलाहरुसित अरु बच्चाहरू पनि हुन सक्ने अनुमान गरिएको छ । अटोचालक भुललाई प्रहरीले नियन्त्रणमा लिएको छ । उनका १७ वर्षीय छोरा आयुषको गोकुलेश्वर अस्पतालमा उपचार भइरहेको छ भने बेपत्ताहरूको पहिचान खुल्न सकेको छैन ।
कुल कमेन्ट:
0
nepaltathya_news
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया