बर्दघाटमा बस दुर्घटना : १ जनाको मृत्यु, १२ घाइते
सारांश
- १६ साउन, बुटवल ।
- पश्चिम नवलपरासीको बर्दघाटमा बस दुर्घटना हुँदा १ जनाको मृत्यु भएको छ ।
- अन्य १२ जना घाइते भएका छन् ।
१६ साउन, बुटवल ।
पश्चिम नवलपरासीको बर्दघाटमा बस दुर्घटना हुँदा १ जनाको मृत्यु भएको छ । अन्य १२ जना घाइते भएका छन् । बुटवलबाट नारायणघाटतर्फ जाँदै गरेको लु २ ख ६५७ नम्बरको बस शुक्रबार दिउँसो बर्दघाट बजारमा अनियन्त्रित भई दुर्घटनामा परेको हो । मृतक पुरुष व्यक्तिको पहिचान खुल्न बाँकी रहेको प्रहरीले जनाएको छ ।
दुर्घटनामा गम्भीर घाइते भएका उनलाई बर्दघाटमा रहेको चिसापानी अस्पतालमा पुर्याए पनि चिकित्सकले मृत घोषणा गरेका थिए । दुर्घटनामा घाइते भएका १२ जनामध्ये ५ जनाको अवस्था गम्भीर छ । गम्भीर घाइतेलाई उपचारका लागि बुटवल पठाइएको छ भने बाँकी घाइतेको स्थानीय अस्पतालमा उपचार भइरहेको जिल्ला प्रहरी कार्यालयका सूचना अधिकारी डीएसपी वीरदत्त पन्तले जानकारी दिए ।
अगाडि रहेको अटो रिक्सालाई बचाउने क्रममा बस अनियन्त्रित भई विपरीत लेनमा पल्टिएको थियो । बस चालकलाई प्रहरीले नियन्त्रणमा लिएको छ ।
प्रतिक्रिया