व्यवसायीहरु मर्ने र बैंकहरु धनी बन्ने प्रवृत्ति अन्त्य होस्ः सांसद तामाङ

२२ असार, काठमाडौैं । 

नेपाली काँग्रेसका सांसद पूर्णबहादुर तामाङले व्यवसायीहरु मर्ने र बैंकहरु धनी बन्ने प्रवृत्तिको अन्त्य हुनुपर्ने बताउनुभएको छ । आईतवार अर्थ समितिमा बाफिया विधेयकमा भएको छलफलमा कानूनहरु बन्दा अर्थतन्त्रलाई चलायमान बनाउने गरी बनाउनुपर्ने बताउनुभएको हो । सिइओहरुलाई लगानी गर्न दिनु नहुने कुरा उठेको भन्दै वर्षमा २ करोड कमाउनेलाई किन ऋण चाहियो भन्दै प्रश्न गर्नुभयो ।

धनीको पैसा बजारमा ल्याएर अर्थतन्त्र चलायमान बनाउनुपर्ने उहाँको भनाई छ । सांसद तामाङले भन्नुभयो–‘सीईओहरुलाई लगानी गर्न दिनु नहुने कुरा उठ्यो । उहाँहरुले वर्षमा २ करोड कमाउनु हुँदो रहेछ । उहाँहरुलाई ऋण किन चाहियो ?’उहाँले एक वर्षभित्र कालोधनलाई वैधानिक बनाउन दिनुपर्ने बताउनु भयो । त्यस्तो ३ खर्ब भन्दा बढि रकम रहेको दाबी गर्नुभयो । उहाँले पाँच सयका नोटमाथि प्रतिवन्ध लगाउनुपर्नेमा समेत जोड दिनुभयो । उहाँले यसमा अर्थसमितिले पहल गर्नुपर्ने बताउनु भयो ।