न्यायाधीशलाई मोसो छ्याप्नेलाई रिहाइ माग्दै प्रदर्शन गर्ने ७ जना पक्राउ

nepaltathya_news nepaltathya_news
|
शुक्रबार, जेठ ३०, २०८२
|
|
१ पटक हेरिएको
Shares

सारांश

  • ३० जेठ, काठमाडौं ।
  • नेपाली कांग्रेसका पूर्व सांसद अफताम आलमलाई रिहा गर्ने न्यायाधीश माथि मोसो दल्नेलाई रिहाइको माग गर्ने सात जनालाई प्रहरीले नियन्त्रणमा लिएको छ ।
  • नेकपा बहुमतका कार्यकर्ताले माइतीघरमा शुक्रबार दिउँसो प्रदर्शन गरेका थिए ।

३० जेठ, काठमाडौं ।

नेपाली कांग्रेसका पूर्व सांसद अफताम आलमलाई रिहा गर्ने न्यायाधीश माथि मोसो दल्नेलाई रिहाइको माग गर्ने सात जनालाई प्रहरीले नियन्त्रणमा लिएको छ । नेकपा बहुमतका कार्यकर्ताले माइतीघरमा शुक्रबार दिउँसो प्रदर्शन गरेका थिए । जिल्ला प्रहरी परिसर काठमाडौंका एसपी अपिलराज बोहराका अनुसार प्रदर्शन गर्ने सात जनालाई प्रहरीले नियन्त्रणमा लिएको छ ।

नेकपा बहुमतका सर्जन पाण्डे, हरि विष्ट, उषाकिरण कामी, सक्षम विक, झलक विक, र सर्जन कामीलाई प्रहरीले नियन्त्रणमा लिएको हो । उनीहरू सबै नेकपा बहुमतको विद्यार्थी संगठन अखिल क्रान्तिकारीमा आबद्ध छन् । आलम रिहा गर्ने फैसला उच्च अदालतका न्यायाधीसद्धय डा. खुसीराम थारु र अर्जुन महर्जनले गरेका थिए ।

न्यायाधीश थारुमाथि नेकपा बहुमतका कार्यकर्ताले बिहीबार मोसो छ्यापेका थिए । मोसो प्रहार गरेको आरोपमा प्रहरीले प्यूठानको गौमुखी गाउँपालिका–६ घर भइ हाल ललितपुरको कुपन्डोल बस्दै आएका ३८ वर्षीय अविनाश भन्ने किशोर कुँवर, सर्लाहीको बरहथवा नगरपालिका–२ का ४३ वर्षीय पदम बहादुर मगर र सिराहाको गोलबजार नगरपालिकाका ४८ वर्षीय गर्भु महतोलाई पक्राउ गरेको थियो ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

विदेशमा रहेका नेपालीलाई पुनर्निर्माण कोषमा सहयोग गर्न अनुरोध
यी हुन् बीपी राजमार्ग छलेर काठमाडौं प्रवेश गर्ने तीन विकल्प
एमालेको नयाँ पार्टी कार्यालय कलंकीमा बन्‍ने, भोलि ओलीले शिलान्याश गर्ने
अदालतको आदेशपछि अमृत साइन्स क्याम्पसमा चैत १० गते स्ववियु निर्वाचन हुने
गृहमन्त्रीको निर्देशन : तोडफोड र आगजनी गर्नेहरूलाई कारबाही अघि नबढाउनू
भरतपुर अस्पतालमा प्लाष्टिकका झोला प्रतिबन्धित
एमाले पार्टी सदस्य साढे ६ लाख पुग्यो : महासचिव पोखरेल
राष्ट्रिय महिला भलिबल प्रतियोगिताको उपाधि नेपाल पुलिसलाई
प्रि ओपन सेसनमा नेप्से परिसूचक ४ अंकले बढ्यो
सिद्धेश्वर माविका पाँच सय विद्यार्थी र शिक्षकलाई पोसाक वितरण