सर्लाहीमा महायज्ञः सोमबार मात्र १३ लाख ६२ हजारभन्दा बढी दान संकलन

सर्लाही, फागुन २७ – मानवसेवा आश्रम सर्लाही शाखाको भवन निर्माण सहयोगार्थ सञ्चालन भइरहेको महायज्ञमा सोमबार मात्रै १३ लाख ६२ हजार ७ सय ६६ रुपैयाँ बराबरको दान संकलन भएको छ। आश्रमको वित्त विभागका अनुसार विभिन्न व्यक्तिहरू तथा संघसंस्थाहरूले आ-आफ्नो क्षमता अनुसार आर्थिक सहयोग गरेका छन्।

सोमबारको प्रमुख दातामा हरिवन नगरपालिका-४ निवासी नन्दमाया उप्रेतीले १ लाख १ हजार रुपैयाँ तथा हरिवन नगरपालिका-१० निवासी शंकर रायमाझी र कल्पना रायमाझीले १ लाख १ हजार रुपैयाँ दान गरेका छन्। त्यस्तै, बागमती नगरपालिका-११ स्थित श्री ५ महेन्द्र जनता मावि (एस.एल.सी. ब्याच २०५३) ले ६१ हजार ७ सय ५ रुपैयाँ सहयोग गरेको छ।

महायज्ञमा विभिन्न व्यक्तिहरूले जन्मदिन, स्वर्गीय अभिभावकहरूको स्मृतिमा तथा अन्य विशेष अवसरहरूमा समेत दान गरेका छन्। हरिवन-११ निवासी समिना रेग्मीले आफ्नो जन्मदिनको अवसरमा ३० हजार २ सय ५५ रुपैयाँ दान गरिन् भने देविबन्धु थापा र तुलसादेवी थापाले जेष्ठ नागरिक भत्ताबाट २४ हजार रुपैयाँ प्रदान गरे।

यसैगरी, विभिन्न संघसंस्थाहरूले पनि सहयोग गरेका छन्। डुमडुमे देवालय परिसर संरक्षण तथा एकीकृत विकास संस्थाले २५ हजार, श्रीमद् भागवत् प्रचार प्रसार संघले २५ हजार, अध्यात्मिक कल्याणकारी समाज नेपालले २५ हजार ५ रुपैयाँ, बाल कल्याण संरक्षक समूहले १६ हजार ९ सय २० रुपैयाँ, हाम्रो हरिवन डेरीले ११ हजार १ सय ११ रुपैयाँ तथा दैनिक योग कक्ष हरिवनले २२ हजार ५ सय १५ रुपैयाँ महायज्ञमा सहयोग गरेका छन्।

महायज्ञ फागुन २२ गतेदेखि सुरु भई २९ गतेसम्म सञ्चालन हुनेछ। मानवसेवा आश्रमले सर्लाही शाखाको भवन निर्माण गरी सहयोगापेक्षी सडकआश्रित मानवहरूको उचित व्यवस्थापन गर्ने उद्देश्यले महायज्ञको आयोजना गरेको हो।

दान दिने प्रमुख व्यक्तिहरू र संस्थाहरू

१ लाख रुपैयाँभन्दा बढी:

नन्दमाया उप्रेती – १ लाख १ हजार

शंकर रायमाझी र कल्पना रायमाझी – १ लाख १ हजार

५० हजार रुपैयाँभन्दा बढी:

श्री ५ महेन्द्र जनता मावि (एस.एल.सी. ब्याच २०५३) – ६१ हजार ७०५

सविन खड्का – ५५ हजार ५५५

२५ हजार रुपैयाँभन्दा बढी:

देविबन्धु थापा र तुलसादेवी थापा – २४ हजार

नेपाल मानव धर्म सेवा समिति – २६ हजार ६२६

डुमडुमे देवालय संरक्षण समिति – २५ हजार

श्रीमद् भागवत् प्रचार प्रसार संघ – २५ हजार

नन्देश्वर महादेव मन्दिर समिति – २५ हजार ३७५

१५ हजार रुपैयाँभन्दा बढी:

समिना रेग्मी – ३० हजार २२५ (जन्मदिन अवसरमा)

राधाकृष्ण एकादशी समूह – १६ हजार ४६५

बाल कल्याण संरक्षक समूह – १६ हजार ९२०

इच्छादेवी रायमाझी र पदमदेवी रायमाझी – १७ हजार १०५

सर्लाहीको सुर्तिविकास खेल मैदानमा सञ्चालन भइरहेको महायज्ञमा दिनप्रतिदिन दानदाताको सङ्ख्या बढ्दै गइरहेको छ। आयोजकले अझै बढी सहयोग संकलन भई भवन निर्माणकार्य छिट्टै सम्पन्न हुने विश्वास व्यक्त गरेका छन्।