ब्राउन सुगरसहित दुई भारतीय पक्राउ
सारांश
- २ फागुन, धरान :सुनसरीको इनरुवाबाट ब्राउन सुगरसहित दुई जना भारतीय पक्राउ परेका छन्।
- पक्राउ पर्नेमा भारतको बिहार राज्यस्थित अररिया जिल्लाको थाना नरपथगंज सोनापुर-१ का ३३ वर्षीय कपिल मेहता र २८ वर्षीय पंकज कुमार पासवान रहेका छन्।
- भारतको बिहार राज्यको अररिया जिल्लाबाट बीआर३८एके०२११ नम्बरको मोटरसाइकलमा सुनसरी आएका उनीहरूलाई ब्राउन सुगरसहित पक्राउ गरिएको सुनसरीका प्रहरी प्रमुख एसपी सुमनकुमार तिम्सिनाले बताए।
२ फागुन, धरान :सुनसरीको इनरुवाबाट ब्राउन सुगरसहित दुई जना भारतीय पक्राउ परेका छन्। पक्राउ पर्नेमा भारतको बिहार राज्यस्थित अररिया जिल्लाको थाना नरपथगंज सोनापुर-१ का ३३ वर्षीय कपिल मेहता र २८ वर्षीय पंकज कुमार पासवान रहेका छन्।
भारतको बिहार राज्यको अररिया जिल्लाबाट बीआर३८एके०२११ नम्बरको मोटरसाइकलमा सुनसरी आएका उनीहरूलाई ब्राउन सुगरसहित पक्राउ गरिएको सुनसरीका प्रहरी प्रमुख एसपी सुमनकुमार तिम्सिनाले बताए।
लागूऔषध नियन्त्रण ब्यूरो विराटनगर र जिल्ला प्रहरी कार्यालय सुनसरीबाट खटिएको संयुक्त प्रहरी टोलीले इनरुवा नगरपालिकाको नुतन पेट्रोल पम्प अगाडिबाट उनीहरूलाई पक्राउ गरिएको एसपी तिम्सिनाले बताए। प्रहरी नियन्त्रणमा रहेका उनीहरूलाई कानुन बमोजिम खानतलासी गर्दा कपिल मेहताले लगाएको हाफ ज्याकेटको भित्री गोजीबाट प्लास्टिकको पोकाभित्र १०९ ग्राम ब्राउन सुगर भेटिएको थियो।
प्रतिक्रिया