बंगलादेशमा फेरि हिंसा : ४० जना घाइते

१० भदौ, काठमाडौँ,। बंगलादेशमा फेरि हिंसा भएको छ। आइतबार अबेर राति होमगार्ड (अन्सार समूह) र विद्यार्थीहरूबीच झडप भएको छ । जसमा ४० जना घाइते भएका छन्।

अन्सार समूहले स्थायी रोजगारीको माग गर्दै गत दुई दिनदेखि प्रदर्शन गरिरहेको थियो। आइतबार सो समूहका धेरै सदस्यहरू सचिवालय पुगेका थिए। उनीहरूले गेट बन्द गरे र कुनै पनि सरकारी अधिकारीलाई बाहिर आउन दिएनन्। विद्यार्थी संगठनका केही सदस्यहरू पनि भित्र फसे। उनीहरूले फेसबुकमार्फत सयौं विद्यार्थीहरूलाई सचिवालयमा आउन अपील गरे। जब ठूलो संख्यामा विद्यार्थीहरू सचिवालयतर्फ अगाडि बढे, त्यहाँ पहिल्यै उपस्थित अन्सार समूहका सदस्यहरूसँग उनीहरूको भिडन्त भयो।विद्यार्थीहरूले अन्सार समूह बंगलादेशकी पूर्व प्रधानमन्त्री शेख हसीनाको एजेन्टको रूपमा काम गरिरहेको आरोप लगाएका छन्।अन्सार समूहले ढुंगा हान्यो, त्यसपछि झडप सुरु भयो ढाका ट्रिब्यूनका अनुसार, करिब ९ बजे झडपको सुरु भएको थियो । जब हजारौं विद्यार्थीहरू सचिवालयतर्फ अगाडि बढ्न थाले। ९ः३० बजे अन्सार समूहका सदस्यहरू पछि हट्न थाले। त्यसपछि उनीहरूले लट्ठी लिएर विद्यार्थीहरूलाई लखेटे । केहीले ढुंगा पनि फाल्न थाले, त्यसपछि विद्यार्थीहरूको तर्फबाट पनि हमला भयो।

बंगलादेशमा नयाँ अन्तरिम सरकार

बंगलादेशमा शेख हसीनाको सरकार गइसकेको छ। आरक्षण विरोधी छात्र आन्दोलनका कारण हसीनाले ५ अगस्टमा प्रधानमन्त्री पदबाट राजीनामा दिइसकिन् र देश छोडेर भारत पुगेकी छन्। उनी गएपछि मोहम्मद यूनुस बंगलादेशको अन्तरिम सरकारका प्रमुख बनेका छन्। यूनुसबाहेक राष्ट्रपति ८ अगस्टमा सरकारमा सामेल भएका १६ सदस्यहरू मध्ये १३ जनालाई पनि शपथ दिलाएका थिए। शपथ लिनेहरूमा हसीनाका विरोधी रहिसकेका छात्र नेता नाहिद इस्लाम र आसिफ महमूद पनि सामेल छन्। शेख हसीनामाथि अहिलेसम्म ३१ मुद्दा दर्ता, छोरा/छोरी र बहिनीलाई पनि आरोपी बनाइयोबंगलादेशमा नयाँ सरकार बनेपछि शेख हसीनामाथि अहिलेसम्म ३१ मुद्दा दर्ता भएका छन्। यीमध्ये २६ हत्या, ४ नरसंहार र एक अपहरणको मामला छ।बंगलादेशको एक संगठन हिफाजत-ए-इस्लामका सचिव मुफ्ती हारून इजहार चौधरीले अन्तर्राष्ट्रिय अपराध न्यायाधिकरणमा हसीनाविरुद्ध उजुरी दर्ता गराएका छन्। उजुरीका अनुसार हिफाजत–ए–इस्लामका कार्यकर्ता ५ मई २०१३ मा ढाकामा ईशनिन्दाको विरुद्ध कानून बनाउन माग गर्दै प्रदर्शन गरिरहेका थिए। यस क्रममा हिंसक भएको भीडमाथि प्रहरीले बल प्रयोग गर्यो। यसमा २७ जना मारिएका थिए। ११ वर्षपछि यस मामिलामा हसीनाविरुद्ध नरसंहारको मामला दर्ता भएको छ। यसमा हसीनाका छोरा सजीब वाजिद जोय, छोरी साइमा वाजिद पुतुल र बहिनी शेख रेहानालाई पनि आरोपी बनाइएको छ।