पहिलो खेलमा आज नेपाल र क्यानडा भिड्दै

३१ भदौ , काठमाडौं– नेपाली राष्ट्रिय क्रिकेट टीमले आइसीसी क्रिकेट विश्वकप लिग–२ को सीरीजमा आज पहिलो खेल खेल्दै छ । ओमान र क्यानडासँग त्रिकोणात्मक सीरीज अन्तर्गत नेपालले आज आफ्नो पहिलो खेल क्यानडासंग खेल्न लागेको हो । नेपालले आयोजक क्यानडाविरुद्ध खेल्ने आजको खेल नेपाली समय अनुसार राति ७ः४५ बजेदेखि ओन्टारियोस्थित किङ सिटी स्टेडियममा प्रारम्भ हुनेछ । नेपालले यो सीरीजका लागि रोहितकुमार पौडेलको कप्तानीमा सोमवार १६ सदस्यीय टोली क्यानडा पठाएको छ ।नेपाली टोलीमा रोहित पौडेल (कप्तान), कुशल भुर्तेल, आसिफ शेख, अनिल साह, भीम सार्की, आरिफ शेख, कुशल मल्ल, दीपेन्द्र सिंह ऐरी, अर्जुन साउद, सोमपाल कामी, करण केसी, गुल्शन झा, रिजन ढकाल, सन्दीप लामिछाने र ललित राजबंशी रहेका छन् । त्यस्तै देव खनाललाई ट्राभलिङ रिजर्भमा राखिएको छ । नेपालले लिग–२ मा अहिलेसम्म चार खेल खेलेको छ, जसमा एक खेलमा जीत हासिल गरेको छ भने तीन खेलमा हार व्यहोरेको छ ।